CIFP Mendizabala LHII, CIFP Ciudad Jardín LHII eta CIFP Eraiken LHII ikastetxeetako ikasleek Santa Barbara plazara eraman dituzte beren enpresak, Egibideko beste enpresa batzuekin batera, Ikasenpresa programan lan egin baitute.
Goiz osoan zehar, Azoka herritar guztientzat zabalik egon da, produktu eta zerbitzuen katalogo anitza eskainiz. Gazteak gero eta sentsibilizatuago daude ingurumen-gaiekin, eta hondakinak balio bihurtzearekin edo materialak berrerabiltzera eta birziklatzera bideratutako negozioekin lotutako proposamenen alde egiten dute. Teknologia ere interesgune bat da pertsonen bizitza hobetzeko eta errazteko gailuekin eta aplikazioekin lotutako proiektuetan.
Eskola Enpresen Azoka Ikasenpresa hezkuntza programaren esparruan garatzen da. Bertan, Erdi eta Goi Mailako Lanbide Heziketako ikasleek enpresa bat sortzeko aukera dute, beren proiektuaren prestakuntza eta tutoretzak jasoz. Azokak aukera ematen die ikasleei egindako lana erakusteko eta beren ideiak eta proiektuak benetan egokiak diren egiaztatzeko.
Pilar García de Salazar Arabako Foru Aldundiko Diputatu Nagusiordeak, Maider Etxebarria Gasteizko Udaleko lehen alkateordeak, Leyre Madariaga Eusko Jaurlaritzako Eraldaketa Digitaleko eta Ekintzailetzako zuzendariak eta Axier Urresti Vital Fundazioen Zuzendari Exekutiboak inauguratu dute gaur Eskola Enpresen Azoka, Álava Emprende lehiaketaren urteroko mugarrietako bat, eta laster ezagutuko dira programaren gainerako gaiak.
