Gamarrako Ostalaritza Eskolako eta Francisco de Vitoria BHIko ikasle eta irakasleek “Fusionando tradición y tecnología para nutrir la memoria” proiektua bultzatu dute, Eusko Jaurlaritzako Hezkuntza Sailak finantzatuta.
Aurora etxebizitza komunitarioak bigarren esperientzia hau hartu du, mastekatzeko zailtasunak dituzten adinekoen elikadura eta ongizatea hobetzera bideratua, purez egindako plater itxurosoak sortuz eta errezeta tradizionalak aurkeztuz.
Dastatutako proposamenen artean, saltsa berdean egindako legatzetan, babarrunetan edo itsaskietan inspiratutako elaborazioak zeuden, testura seguruetara egokituak eta irensteko errazak.
Alderdi bisualaz gain, plateren testura, nutrizio eta proteina ekarpena, esperientzia sentsoriala eta janari tradizionalarekiko lotura emozionala hobetzean oinarritu da lana.
Proposamenak sukaldaritzako teknika berritzaileak eta elikagaien inprimaketako prozesuak jasotzen ditu, elikagaien teknologian espezializatutako Cocuus enpresa nafarrarekin lankidetzan garatuak.
Belaunaldien arteko prestakuntza eta lankidetza
Ekimenaren alderdi nabarmenetako bat Lanbide Heziketako ikasleek, irakasleek eta gizarte- eta osasun-arloko profesionalek elkarrekin egindako lana izan da. Lankidetza horri esker, benetako soluzioak gara daitezke ingurune erreal batean, berrikuntza, pertsonarengan oinarritutako arreta eta ikaskuntza praktikoa konbinatuz.
