Uztailaren 16ra arte duzu Ikaslanek eskaintzen dituen 75 Global Training beketako bat eskatzeko epea, makina-erremintaren Fabrikatzaileen Elkartearekin batera. Beka horiei esker, ordaindutako lan-esperientzia izango duzu atzerrian 6 eta 12 hilabeteko aldi batean. Aurreikusitako hileko zuzkidura gordina 1.570 €da.
Eskaera egiteko baldintzak honako hauek dira:
- 31 urte beteta ez izatea 2021eko urtarrilaren 1ean.
- Unibertsitate-lizentzia, Diplomatura, Gradua, Goi-mailako Lanbide Heziketa edo Goi-mailako Ikasketak.
- Euskadiko udalerri batean izatea administrazio-egoitza, eskabideak aurkezteko epea zabaldu aurretik gutxienez urtebetez eta inolako etenaldirik gabe, edo 5 urtez jarraian, aurreko 10 urteetan zehar.
- Atzerrian 6 hilabetetik gorako praktiketarako egonaldia egiteko beste bekaren bat jaso ez izana.
- Dirulaguntza edo laguntza publikoak jasotzeko aukera galarazten duen zigor administratiborik edo penalik ez izatea, edo laguntza horiek jasotzeko aukera kentzen duen legezko debekurik ez izatea.
- B1 ingeles-maila izatea, baldin eta Goi-mailako Lanbide Heziketa egin bada; eta B2 maila izatea, Unibertsitateko titulua izanez gero. Era berean, aintzat hartuko da herrialde hartzaileko hizkuntzaren ezagutza izatea. Hautaketa-prozesuan egiaztatu ahal izango da hizkuntza-maila; eta horretarako, hizkuntza-maila egiaztatzeko ziurtagiri eguneraturik ez duten hautagaiei ahozko eta idatzizko probak egingo zaizkie.
