Gasteizko Ostalaritza Eskola Publikoa (CIFP Gamarra LHII) 26 urtez jarraian arduratu da zeregin garrantzitsu horretaz, eta lidergoa sendotu du euskal gastronomiaren sustapenean eta ostalaritzako eta turismoko espezialisten prestakuntzan.
Ekimen honek arrakasta handia izan du denbora honetan guztian, pintxoak dastatzera joaten den publikoaren harrera bikainean eta gogobetetze maila handian, sukaldaritzaren kalitatea, aurkezpen bikaina eta zerbitzuaren profesionaltasuna nabarmenduz.
Aldi berean, parte-hartze hori balio handiko prestakuntza-esperientzia da ikasleentzat, testuinguru erreal, zorrotz eta nazioarteko proiekziodun batean molda daitekeena, funtsezko gaitasunak garatuz eta ikasgelaren ingurunean nekez lor daitekeen esperientzia profesionala lortuz.
